Wednesday, June 06, 2007

വഞ്ചനയുടെ ഒടുക്കം


ചതിക്കപ്പെട്ട മേഘത്തിന്റെ
കണ്ണീരായാണ്
ആദ്യത്തെ മഴത്തുള്ളി
വീണത്,
ഭൂമി തണുത്ത് ചിരിച്ചു.
മറന്നു തുടങ്ങിയ പ്രണയത്തിന്റെ
ഒടുവിലത്തെ വരി
കണ്ണ് നിറച്ച് നിലത്തേക്കൊഴുകി.
വല്ലാതെ പൊള്ളിപ്പൊങ്ങി
മണ്ണാകെയും.
ഒരു നിമിഷത്തേക്ക് ചുട്ടുപൊള്ളുന്ന
വാക്കിലാവും
എല്ലാ പ്രണയത്തിന്റെയും ഒടുക്കം,
ഒരു നെടുവീര്‍പ്പിന്റെ
കുളിര്‍മ്മയില്‍
തീരണം ഈ ലോകത്തിന്റെ
വഞ്ചന മുഴുവനും.

12 comments:

Unknown said...

ഒരു നിമിഷത്തേക്ക് ചുട്ടുപൊള്ളുന്ന
വാക്കിലാവും
എല്ലാ പ്രണയത്തിന്റെയും ഒടുക്കം,
ഒരു നെടുവീര്‍പ്പിന്റെ
കുളിര്‍മ്മയില്‍
തീരണം ഈ ലോകത്തിന്റെ
വഞ്ചന മുഴുവനും

Manarcadan said...

മറന്നു തുടങ്ങിയ പ്രണയത്തിന്റെ
ഒടുവിലത്തെ വരി
കണ്ണ് നിറച്ച് നിലത്തേക്കൊഴുകി.

സബാഷ്!ആ വികാരം അനുഭവിച്ചവര്‌ക്കേ ഈ വരിയുടെ അര്‌ത്ഥം വക്കാരിമഷ്ടൂ

വിശാഖ് ശങ്കര്‍ said...

അനിയന്‍സേ,
ഒരു ഇടവേളയ്ക്ക് ശേഷമാണ് നിന്റെ ഒരു കവിത വായിക്കാന്‍ കിട്ടുന്നത്.ഇതുപോലൊന്ന് എഴുതുവാനാണെങ്കില്‍ നീ എത്രനാള്‍ വേണമെങ്കിലും എഴുതാതെ തപസ്സിരുന്നോ..വളരെ ഇഷ്ടമായ് “കണ്ണ് നിറച്ച് നിലത്തേയ്ക്ക് ഒഴുകി”യ ആ പൂര്‍വ്വ പ്രണയത്തിന്റെ ഒറ്റ വരി.

ടി.പി.വിനോദ് said...

“ഒരു നെടുവീര്‍പ്പിന്റെ
കുളിര്‍മ്മയില്‍
തീരണം ഈ ലോകത്തിന്റെ
വഞ്ചന മുഴുവനും”

കവിതയില്‍ ഒരാള്‍ ജീവിതത്തെ അത്രമേല്‍ വിശ്വസിക്കുന്നത് എന്ത് നല്ല കാഴ്ചയാണ്..

നല്ല കവിത..

പൊടിക്കുപ്പി said...

മറന്ന് തുടങ്ങിയ പ്രണയത്തിന്റെ ഒടുവിലത്തെ വരി കണ്ണ് നിറച്ചു, ഒഴുകാതെ വറ്റിപോയി.. ഇനിയും പെയ്യാതെ കൊതിപ്പിച്ചു നില്‍ക്കുന്നു, മഴ..

വിഷ്ണു പ്രസാദ് said...

അനിയാ,വേനലിനെ മുറിച്ച മഴ പോലെയായി ഈ കവിത.‘ഒടുക്കത്തെ’ രണ്ടു വരികള്‍ ഒരു സത്യത്തെയും വ്യാമോഹത്തെയും മുറുകെപ്പിടിച്ചു നില്‍ക്കുന്നത് ഈ കവിതയെ അതീവ സുന്ദരമാക്കുന്നു.
വ്യാമോഹത്തിനു തന്നെ ഭംഗിക്കൂടുതല്‍...അല്ലേ?
ഒരു നെടുവീര്‍പ്പിന്റെ
കുളിര്‍മ്മയില്‍
തീരണം ഈ ലോകത്തിന്റെ
വഞ്ചന മുഴുവനും.

G.MANU said...

good work aniyans

Pramod.KM said...

ഹൃദ്യമായിരിക്കുന്നു ഈ കവിതയിലെ കാലാവസ്ഥ.:)

ശെഫി said...

സുന്ദരമായ കവിത
ഒത്തിരി ഇഷ്ടമായ്

Abdu said...

തീരണം, പക്ഷേ തീരില്ല,


വാക്ക് കൊണ്ട് ഇങ്ങനെ നെടുവീര്‍‌പ്പെടാനും വ്യാമോഹിക്കാനുമൊക്കെയേ നമുക്ക് പറ്റൂ

വിവരദോഷി said...

അനിയാ.. ഇങ്ങനെയെഴുതാന്‍ അനിയന്‍ മാത്രമേ ഉള്ളൂ..

എങ്കിലും എനിക്കൊരു അഭിപ്രായ വ്യത്യാസം...


ആയുഷ്കാലത്തേക്ക് ചുട്ടുപൊള്ളിക്കുന്ന
ഒരു പൊടിവാക്കിലാവും
എല്ലാ പ്രണയത്തിന്‍റെയും ഒടുക്കം!!

എന്തു പറയുന്നു?

അനുഗ്രഹ said...

ഒരു നെടുവീര്‍പ്പിന്റെ
കുളിര്‍മ്മയില്‍
തീരണം ഈ ലോകത്തിന്റെ
വഞ്ചന മുഴുവനും. ♡