Tuesday, July 31, 2012

വായനത്തെറ്റ്

മരമെന്ന് എഴുതിയിടത്തെല്ലാം
മരണമെന്ന്,
പ്രണയം എന്ന് എഴുതിയിടത്തെല്ലാം
പണയമെന്നു,
ഇങ്ങനെ ചില വായനതെറ്റുകള്‍
വല്ലാതെ പിടികൂടുന്നു..
കണ്ണട മാറ്റി നോക്കിയിട്ടും
മുറിയിലെ വെളിച്ചങ്ങള്‍
മാറ്റിയിട്ടും
ഇവ കൂടുന്നല്ലാതെ കുറയുന്നില്ല.
ഭരണത്തെ ഭാരമെന്നു
വായിക്കുമ്പോള്‍ വെറുതെ ചിരി വന്നു.
കിനാവ് എന്നെഴുതിയിടത്ത്
കണ്ണീരെന്നു കാണുമ്പോള്‍,
നിലാവ് എന്നത് നിലവിളിയെന്നും
കാട് എന്നത് കടമെന്നും
ഒക്കെയായപ്പോഴാണ്
ഞാന്‍ നിന്റെ പേരെഴുതാതെയയത്...
വായിക്കാതെയായത്...

2 comments:

diya dev said...

kollam.puthumayulla varikal.

Anonymous said...

Good One, nannayirikkunnu