നിന്റെ മൂക്കിന് തുമ്പില്
അവസാനിക്കുന്നതാണെങ്കില്
സ്വാതന്ത്ര്യം
അത്ര വലിയൊരു
വാക്കല്ലെനിക്ക്
ചുണ്ടിലെ ഇറുക്കിയൊരു
ചുംബനവും
അപ്പൊഴത്തെ കണ്ണുപൂട്ടലും
നിന്റെ മാത്രം
സ്വാതന്ത്ര്യങ്ങളാണല്ലോ.
Wednesday, January 24, 2007
Sunday, January 07, 2007
തണല് മരം
മുറ്റത്തെ മാഞ്ചിയത്തിന്റെ
നിഴലില് നിന്ന്
ചെരുപ്പിടാത്ത കാലില്
കുഴച്ച മണ്ണ്
കയറ്റുപായില് ചവിട്ടിത്തൂത്ത്
അച്ഛന് പറഞ്ഞു;
ചോട്ടിലിരുന്ന് ഉറങ്ങുന്നോര് പോലും
തണല് തരുന്നവനെന്നേ
വിളിക്കൂ,
വെയില് ഏറ്റുവാങ്ങുന്നവനെന്ന്
ഒരു മരത്തെപ്പറ്റിയും
ഓര്ക്കുകയേയില്ല ആരും.
നിഴലില് നിന്ന്
ചെരുപ്പിടാത്ത കാലില്
കുഴച്ച മണ്ണ്
കയറ്റുപായില് ചവിട്ടിത്തൂത്ത്
അച്ഛന് പറഞ്ഞു;
ചോട്ടിലിരുന്ന് ഉറങ്ങുന്നോര് പോലും
തണല് തരുന്നവനെന്നേ
വിളിക്കൂ,
വെയില് ഏറ്റുവാങ്ങുന്നവനെന്ന്
ഒരു മരത്തെപ്പറ്റിയും
ഓര്ക്കുകയേയില്ല ആരും.
Wednesday, January 03, 2007
ചോക്കലേറ്റ് ഗേള്
കടിച്ചു തിന്നുമ്പോള്
ചോരയീമ്പാതെ നോക്കണം,
ചോക്കലേറ്റ് ഒരു പെണ്കുട്ടിയാണെങ്കില്...
നഖങ്ങളാഴ്ത്തി
പഴകിയോയെന്ന് പരിശോധിക്കാനാവില്ല
വേദനിപ്പിക്കാതെ...
ഒലിച്ചിറങ്ങുന്ന
ചോരനക്കിത്തുടക്കാനാവില്ല
ഡ്രാക്കുളയാവാതെ...
എങ്കിലും രുചിയറിഞ്ഞിട്ട്
നാവ് നൊട്ടിയുള്ള നുണയല്...
അതെങ്ങനെയാണൊന്ന് ഒഴിവാക്കുക?
Subscribe to:
Posts (Atom)