ആരുമില്ലെന്ന് തോന്നുമ്പോഴാണ്
ഓരോരോ വിചാരങ്ങള്...
തൊട്ടുമുന്നിലെ വണ്ടിയുടെ
വേഗത്തില്
ഇളകുന്ന
തുണി നിമിഷനേരം കാണിച്ചുതരുന്ന
നഗ്നതയെപ്പോലും കാമിച്ചു പോകുന്നത്,
സ്നേഹത്തിന്റെ നെഞ്ചൊട്ടിക്കിടക്കുമ്പോള്
ഓര്ക്കുകയേയില്ല
വൃത്തികെട്ടവന്,
അവസരവാദി.
ആരുമില്ലെന്ന് തോന്നുമ്പോഴാണ്
ഓരോരോ വിചാരങ്ങള്...
വെറുതെ മനസ്സില്
കയറിയിറങ്ങുന്ന
ഒരു കയര്ക്കുടുക്കിന്റെ
നിശബ്ദതയെപ്പോലും
പ്രണയിച്ചുപോകുന്നത്
തന്ത്രപൂര്വം മറന്നുകളയും
ഒരാള്ക്കൂട്ടത്തിനു നടുവിലെത്തുമ്പോള്
ചതിയന്,
അവസരവാദി.