Monday, February 27, 2012

നിശബ്ദതയില്‍ ഉണങ്ങാത്ത മുറിവുകള്‍


വാക്കുകള്‍ എപ്പോഴും
കാതിലെത്തി അവസാനിക്കുന്നില്ല,
ചിലപ്പോഴൊക്കെ അവ
മനസ്സിലേക്ക് കടന്നു കയറും..
ചോര പൊടിയാത്ത ചില
മുറിവുകളെ ഉണക്കാതെ വിട്ട്
പുറത്തിറങ്ങി അപ്രത്യക്ഷരാകും..
നിശബ്ദത എല്ലായ്പ്പോഴും
ഇവിടൊക്കെ കറങ്ങി നില്‍ക്കുന്നുണ്ട്..
ഒരു കൊളുത്തില്‍
ജീവിതത്തിലെ ചിരികളെയെല്ലാം കൊരുത്തിട്ട്,
അപ്പുറത്തോ ഇപ്പുറത്തോ
എന്ന് ഉറപ്പിക്കാതെ,
വാക്കുകള്‍ പോയ വഴികളെയെല്ലാം
തുടച്ചു മായ്ച്ചു വൃത്തിയാക്കിക്കൊണ്ട്...
എന്നിട്ടും ആ മുറിവുകള്‍
ബാക്കിയാവുന്നതെന്തിനാണ്?

No comments: