അമ്മരാവിലെ
ഇങ്കിനും ഉറക്കത്തിനും
മുന്‍പേ
ചുണ്ടിലേക്കെത്തുന്ന മധുരം
മതിയാകും മുന്‍പേ
അടച്ചുവയ്ക്കപ്പെടുന്ന
പാല്‍പ്പാത്രം.
അറിയാത്ത ഭാഷയില്‍
ഒരുപാട്‌
അരുതുകളുടെ
മനസ്സിലാക്കിക്കല്‍
അച്ഛന്‍
ചുരുണ്ടുകിടക്കുന്ന
കറുത്ത വള്ളിക്കറ്റത്ത്‌
വല്ലപ്പോഴും
എന്തോ ചെയ്യുവാ
എന്നൊരു പരുക്കന്‍ സ്വരം
മിണ്ടാതിരിക്കുമ്പോള്‍
എന്തിനെന്നറിയാത്ത
കണ്ണീരിന്റെ ചുവയുള്ള
വാക്കുകള്‍
3 comments:
അമ്മ
ഇങ്കിനും
ഉറക്കത്തിനും
മുന്‍പേ
ചുണ്ടിലേക്കെത്തുന്ന മധുരം...
ഒരു കവിത കൂടി, അപൂസിനെക്കുറിച്ചു തന്നെ...
അയ്യോ... അബദ്ധം പറ്റിയതാണേ... എല്ലാരും ക്ഷമിക്ക്‌... ബൂലോക സങ്ങമത്തില്‍ നിന്ന് ഞാന്‍ എന്റെ പോസ്റ്റ്‌ എടുത്തു മാറ്റി. ഇനി ഉണ്ടാവുകയേയില്ല... ഞാന്‍ മുങ്ങി.. നാളെ ബാര്‍ അ- കുടയിലേ പൊങ്ങൂ...
മനോഹരം, എല്ലാ നൊമ്പരവും ഇത്തിരി വാക്കുകളില്‍ ഒതുക്കിയിരിക്കുന്നു..
ഇല്ലായ്മകളുടെ കമ്പളങ്ങള്‍ക്ക് ഉള്ളത് കൊണ്ട് കിന്നരിയെങ്കിലും ഇടാന്‍ നോക്കൂ, ഈ കണ്ണീരിന്റെ ആഴവും കാരണവും മനസ്സിലാക്കി അവന്‍ വളരട്ടെ..
-പാര്‍വതി.
Post a Comment